પલસાણા તાલુકાનાં કણાવ ગામે લીમડાવાળા રસ્તે આંબાનાં ઝાડ નીચે ચાદર પથારી જુગાર રમતા ચાર ઈસમો ઝડપાતા કાયદેસરની કાર્યવાહી કરવામાં આવી હતી. મળતી માહિતી અનુસાર, પલસાણા પોલીસ સ્ટાફના માણસો પેટ્રોલીંગમાં હતા.

તે દરમિયાન મળેલ બાતમી આધારે, પલસાણા તાલુકાનાં કણાવ ગામે લીમડાવાળા રસ્તે જગદીશ પટેલનાં ખેતરનાં શેઢા પર આંબાના ઝાડ નીચે ચાદર પર ટોળું વળી જુગાર રમી રહેલા 4 ઈસમો જેમાં મહમદજલાલ શેખ (રહે.પલસાણા), રઝાક નરૂલઇસ્માઇલ વિશ્વાસ, રમણભાઈ રાઠોડ અને વિક્રમભાઈ નદાણીયા નાઓની ધરપકડ કરી હતી.

જોકે પોલીસે દાવ પર લગાવેલ રૂપિયા 22,200/- અને અંગ ઝડતીનાં 14,200/-મળી કુલ રૂપિયા 36,400/-નો મુદ્દામાલ કબ્જે કરી તમામ વિરુદ્ધ જુગાર ધારા હેઠળ ગુનો નોંધી આગળની વધુ કાર્યવાહી કરવામાં આવી હતી.