સુરત જિલ્લા LCB અને પેરોલ ફર્લો સ્કોર્ડ શાખાનાં કર્મચારી પ્રોહી જુગારની પ્રવૃતી નેસ્ત નાબુદ કરવા બાબતે અલગ-અલગ ટીમો બનાવી પેટ્રોલીંગમાં હતા. તે દરમિયાન LCB એ.એસ.આઈ. તથા સ્ટાફનાં નાઓને સંયુક્ત રીતે ખાનગી રાહે બાતમી મળી હતી કે, કઠોદરા ગામે મંદિર ફળીયા ખાતે રહેતો રાહુલ દિનેશભાઈ રાઠોડ તથા તેનો સાગરીત લાલુ ધનસુખભાઈ રાઠોડ રહે કઠોદરા મંદિરા ફળીયુ નાઓ ભેગા મળી લાલુના રહેણાક મકાનમાં ઈંગ્લીશ દારૂનો જથ્થો છુપાવેલ છે અને ત્યાથી અલગ અલગ વાહનોમાં ભરી સંગેવગે કરવાની પેરવીમાં છે.

જે બાતમીનાં આધારે તે જગ્યાએ પોલીસની એક ટીમે રેડ કરતા બાતમી વાળા મકાન માથી તથા મકાનની બાજુમાં પાર્ક કરેલ ઈકો કાર રજી નંબર GJ/22/H/9244 માંથી અલગ-અલગ બ્રાન્ડની 1680 નંગ ભારતીય બનાવટના વિદેશી દારૂની નાની મોટી બોટલો તથા ટીન બીયર મળી આવ્યા હતા. આમ, પોલીસે રૂપિયા 3,73,200/-ની કિંમતનો વિદેશી દારૂ તેમજ ઇકો કાર મળી કુલ રૂપિયા 7,73,200/-નો મુદ્દામાલ કબ્જે કર્યો હતો તેમજ રેડ દરમિયાન હાજર નહી મળી આવેલ રાહુલ દિનેશભાઈ રાઠોડ (રહે.કઠોદરા, મંદિર ફળીયુ, તા.કામરેજ) તથા લાલુ ધનસુખભાઈ રાઠોડ (રહે.કઠોદરા, મંદિર ફળીયુ, તા.કામરે)નાને વોન્ટેડ જાહેર કરી બંને વિરુધ્ધ કાયદેસરની કાર્યવાહી હાથ ધરી હતી.