સુરતનાં પલસાણા તાલુકાનાં તરાજ ગામે નેશનલ હાઈવે નંબર-53ની બાજુમાં આવેલ મંડપનાં ગોડાઉનમાં ગતરોજ મોડી સાંજે એકાએક આગ ભભૂકી લાગતા અફરાતફરીનો માહોલ સર્જાયો હતો જોકે ગોડાઉનમાં મોટા ભાગે કાપડ અને લાકડાની વસ્તુઓ હોવાથી આગે ગણતરીનાં સમયમાં જ વિકરાળ સ્વરૂપ ધારણ કરી લીધું હતુ. પરંતુ ફાયર વિભાગને જાણ કરતા સચિન, પલસાણા PEPL, કામરેજ અને બારડોલી ફાયર મળી કુલ 5 ફાયરની ટિમ પહોંચી આગને કાબુમાં લેવાનો પ્રયાસ કર્યો હતો. જોકે મોડી સાંજે 2 કલાકની ભારે જહેમત બાદ આગ કાબુમાં આવી હતી. અત્રે ઉલ્લેખનીય છે કે, આગમાં ગોડાઉનમાં મુકેલો તમામ સમાન આગમાં ખાખ થઈ ગયો હતો.