સુરતનાં માંડવી તાલુકાનાં આંબા ગામે રહેતા અમરસિંગભાઈ છગનભાઈ વસાવા (ઉ.વ.49) જેઓ પોતાના પરિવાર સાથે રહી સુરત ખાતે રહેતા ધર્મસિંગભાઈ પ્રજાપતિનું માંડવીનાં કરવલી ગામે આવેલ ખેતરમાં મજૂરી કરતા હતા. જોકે ખેતરનાં માલિકે અમરસિંગ વસાવાને ખેતરથી આવા જવા માટે પોતાની માલિકીનું મોપેડ બાઈક GJ/19/X/9351 આપ્યું હતું.

જોકે ગત તા.8 જુલાઇનાં રોજ બપોરનાં સમયે ખેતરથી ઘરે આવતી વખતે આશ્રમ ફળિયાની સીમમાં આંબા ગામથી કરવલી ગામ તરફ હતો કાચા રસ્તા પર પસાર થતી વખતે સ્ફુટી સ્લીપ થઈ જતા માથામાં ગંભીર ઇજાને કારણે અમરસિંગ વસાવાનું મોત નીપજ્યું હતું. બનાવ અંગે માંડવી પોલીસે ગુનો નોંધી વધુ તપાસ હાથ ધરી હતી.