કામરેજનાં ઘલા પાટિયાથી ઘલા રોડ પર કરજણ નજીક ઘલાના બાઈક સવારને અજાણ્યા વાહન ચાલકે અડફેટે લેતાં તેનું ઘટના સ્થળે જ મોત નિપજ્યું હતું. ઘલાના બજાર ફળિયા નજીક રહેતો પ્રિતેશ પ્રમોદભાઈ પટેલ પોતાની સાઈન મોટર સાયકલ નંબર GJ/05/M/4178 લઈ સોમવારનાં રાત્રે નવેક વાગ્યા આસપાસ ઘલા તરફ આવી રહ્યો હતો. ત્યારે ઘલા પાટિયાથી ઘલા તરફ કરજણ ગામ નજીક શંકરભાઈ અંબુભાઈ પટેલના ખેતર પાસેના રોડ પર પ્રિતેશની બાઈકને કોઈ અજાણ્યા વાહન ચાલકે ટક્કર મારતાં માથાના તેમજ ગળાના ભાગ સહિત બંને પગમાં ગંભીર ઇજા થતા પ્રિતેશનું ઘટના સ્થળે જ મોત નિપજ્યું હતું. ઘટનાને પગલે સ્થળ પર પહોંચેલી કામરેજ પોલીસ દ્વારા મૃતક પ્રિતેશ પટેલની લાશને કામરેજ આરોગ્ય કેન્દ્ર ખાતે પી.એમ. અંગેની કાર્યવાહી માટે લઈ જવામાં આવી હતી. મૃતક પિતેશ પટેલના સંબધી અને ઘલા બજાર ફળિયા ખાતે રહેતા હાર્દિક પટેલે કામરેજ પોલીસે મથકે ફરિયાદ નોધાવી હતી.