સુરત ગ્રામ્યની માંડવી પોલીસ મથકની સી ટીમનાં સભ્યો એ.એસ.આઈ. અને તેમની ટીમ ગતરોજ પેટ્રોલીંગમાં હતા તે સમયે માંડવીનાં લક્ષ્મી માર્કેટમાંથી બે અજાણી યુવતીઓ મળી આવી હતી પુછપરછમાં તેઓ સુરત શહેરનાં અમરોલી વિસ્તારની હોવાનું જણાવા મળ્યું હતું. બંને યુવતીઓની પોલીસે ઉડાણપુર્વક પુછતાછ કરતા તેમણે પોતાના નામ કુપાબેન રોહિતભાઈ ચૌધરી (ઉ.વ.20) અને રેખા (નામ બદલ્યું છે) (ઉ.વ.15) જણાવી પોતાના ઘરે કોઈને કઈ પણ કહ્યા વગર નીકળી ગઈ હોવાનું કહ્યું હતું. તપાસ કરતા આ બંનેની અમરોલી પોલીસ મથકમાં તેમની ગુમ જાણવાજોગ ફરિયાદ દાખલ થઈ હતી આથી માંડવી પોલીસે અમરોલી પોલીસનો સંપર્ક કરતા અમરોલી પોલીસની ટીમ બંનેના પિતા સાથે માંડવી પોલીસ મથકે પહોંચી હતી.