સુરત જિલ્લાનાં માંગરોળ તાલુકાનાં છમુછલ ગામે આઘેડને અજાણ્યા વાહન ચાલકે અડફેટમાં લેતા ઘટના સ્થળે મોત નિપજ્યું હતુ. સુત્રો પાસેથી મળતી માહિતી અનુસાર, કોસંબા પોલીસની હદમાં છમુછલ ગામે નવનિર્મિત મુંબઇ-દિલ્હી હાઈવે રોડનાં બ્રિજની નીચેથી પગપાળા જઈ રહેલા લક્ષ્મણભાઈ રાયસિંગભાઇ વસાવા (ઉ.વ.52)ને પુરપાટ આવી રહેલો અજાણ્યા વાહન ચાલક અડફેટમાં લઇને ફરાર થઈ ગયો હતો. આ અકસ્માતમાં લક્ષ્મણભાઈને ગંભીર ઈજા થતાં તેમનું ઘટના સ્થળે મોત નિપજ્યું હતું. મૃતકનાં ભાણેજ ધર્મેશભાઇએ આ ઘટના અંગે કોસંબા પોલીસ મથકે ફરિયાદ કરતા હાલ પોલીસે અજાણ્યા વાહન ચાલક વિરૂદ્ધ ગુનો નોંધી આગળની તપાસ હાથ ધરી હતી.