સુરતનાં કામરેજ તાલુકાનાં પરબ ગામે જી.એમ ટેક્ષટાઇલ ખાતે આશિષ પાનસેરીયાની બાંધકામ સાઇટ ઉપર કામ કરતા 20 વર્ષીય શ્યામલાલ સુદામ તેંબ્રોમ હાલ (રહે.પરબ ગામ, જીએમ ટેક્ષટાઇલની બાંધકામ સાઇટ ઉપર) રાત્રી દરમિયાન ઉંઘી ગયો હતો. જે પછી તે સવારે પરત નહીં ઉઠતા તપાસ થઈ તો તેનુ મોત થયાનું જણાયું હતુ. ઘટના અંગે પાગરી લૌકન બોદરા દ્વારા કામરેજ પોલીસ મથકે જાણ કરવામાં આવી હતી. જે બાદ બનાવનાં સ્થળે પહોંચેલી પોલીસે અકસ્માતનો ગુનો નોંધી આગળની કાર્યવાહી હાથ ધરી હતી. મૃતક યુવકનું ક્યાં કારણોસર મોત થયું એ હજુ ચોક્કસ કારણ જાણવા મળ્યું નથી. ઘટના અંગે કામરેજ પોલીસે અકસ્માતનો ગુનો નોંધી તપાસ હાથ ધરી હતી.