બારડોલી તાલુકાનાં તેન ગામે નવા ફળીયામાં જુગાર રમી રહેલા 10 જુગારીઓને પોલીસે રંગે હાથ ઝડપી પાડી તેમની પાસેથી રૂપિયા 1.35 લાખથી વધુનો મુદ્દામાલ કબ્જે કરી 4ને વોન્ટેડ જાહેર કર્યા હતા. સુત્રો પાસેથી મળતી માહિતી અનુસાર, બારડોલી પોલીસની ટીમ પેટ્રોલિંગમાં હતી તે સમયે ખાનગી રાહે બાતમી મળી હતી કે, તેન ગામના નવા ફળીયામાં દિનેશભાઈ નરસિંહભાઈ ચૌધરીના ઘરની બાજુમાં જાહેરમાં કેટલાક શખ્સો જુગાર રમી રહ્યા છે.

જે બાતમીના આધારે પોલીસે સ્થળ પરથી 10 ઈસમોને તીન પત્તીનો જુગાર રમતા પકડી પાડ્યા હતા તેમજ અંગઝડતી કરતા રૂપિયા 11,530 રોકડા, દાવ પરથી 4300 રૂપિયા રોકડા, 7 નંગ મોબાઈલ, બે  ઓટો રીક્ષા મળી કુલ રૂપિયા 1,35,430/-નો મુદ્દામાલ કબ્જે કર્યો હતો, જયારે રણછોડ સુખા, મહેશ કલરવાળો, પપ્પુ અને કનુ ગામીત નાઓને વોન્ટેડ જાહેર કરવામાં આવેલ છે.

1.પરેશ ધીરુભાઈ રાઠોડ (રહે.નવા ફળીયા, તેન),

2.કાદીર અસલમ શેખ (રહે.શાસ્ત્રી નગર, બાબેન),

3.નટવર ધનજી ઢીમ્મર (રહે.નવા ફળીયા,તેન),

4.ભીખા રમણ ચૌધરી (રહે.જોગી ફળીયા,બારડોલી),

5.અયાજ સઈદ કુરેશી (રહે.સુરતી ઝાપા,બારડોલી), 

6.છોટુભાઈ મહેમુદ શેખ (રહે.પંચવટીની પાછળ,બારડોલી), 

7.નિલેશ છાયારામ ઢીમ્મર (રહે.ઉમરાખ,બારડોલી), 

8.દિલીપ શંકર નાયકા (રહે.તેન,નવા ફળીયા),

9.હરીશ નગીન ચૌધરી (રહે.તેન,નવા ફળીયા) અને  

10.સોમા રોહિત પટેલ (રહે.તેન,નવા ફળીયા).