માંડવી ખાતે રહેતો યુવાન કામ અર્થે મોટરસાઇકલ લઈ ખેડપુર તરફ જઈ રહ્યા હતા તે દરમિયાન સામેથી આવતી મોટરસાઇકલ ચાલકે યુવાનની મોટરસાઇકલ સાથે અથડાતા યુવાન રોડ પર પટકાતા 108 મારફતે હોસ્પિટલમાં લઈ જવાતા મૃત જાહેર કરવામાં આવ્યા હતા. મળતી માહિતી અનુસાર, મૂળ રાજકોટનાં વીંછીયાના અને હાલ સુરત જિલ્લાનાં માંડવી ખાતે જેસાભાઈ ગઢવીનાં તબેલામાં રહેતા અને ત્યાં જ કામ કરતા ભાવેશભાઈ રવજીભાઈ તાવીયા (ઉ.વ.28) નાઓ તા.27 નવેમ્બરનાં રોજ સાંજના સમયે પોતાની મોટરસાઇકલ લઈ માંડવીના વનદર્પણની સામે અંબાજી નાકાથી ખેડપુર તરફ જતા હતા.

તે સમયે સામેથી આવતી અજાણી મોટરસાઈકલનાં ચાલકે અડફટે લેતા ભાવેશભાઈ રોડ પર પટકાતા માથાના ભાગે ગંભીર ઇજાઓ થઈ હતી જોકે અજાણી મોટરસાઇકલ ચાલક અકસ્માત સર્જી ત્યાંથી ભાગી છૂટ્યો હતો અને ભાવેશભાઈને 108ની મદદથી માંડવીની સરકારી હોસ્પિટલમાં સારવાર માટે ખસેડવામાં આવતા ફરજ પરના તબીબે મૃત ઘોષિત કરતા મૃતકનાં નાના ભાઈએ માંડવી પોલીસ મથકના અજાણી મોટરસાઇકલ ચાલક વિરુદ્ધ પોલીસ ફરિયાદ આપી હતી.