કડોદરાથી સુરત જતાં રોડ પર બસ સ્ટેન્ડની સામે રોડ ક્રોસ કરતી વખતે એસ.ટી. બસની અડફેટે આવી જતાં યુવકનું સારવાર દરમિયાન મોત નીપજ્યું હતું. સુત્રો પાસેથી મળતી માહિતી અનુસાર, કડોદરાનાં અરિહંત પાર્ક કહતે રહેતો અને મૂળ બિહારનો રહેવાસી દેવકી નંદન રાય રવિવારે સવારે કડોદરા બસ સ્ટેન્ડની સામે કડોદરા–સુરત રોડ ક્રોસ કરી રહ્યો હતો.

તે સમયે એસ.ટી.બસ નંબર જીજે/18/ઝેડ/7016નાં ચાલકે તેને અડફેટમાં લીધો હતો. જેથી યુવકને માથા અને બંને પગે ઇજા થતાં સારવાર અર્થે સુરતની સ્મીમેર હોસ્પિટલમાં ખસેડવામાં આવ્યો હતો. જ્યાં સારવાર દરમ્યાન મોત નીપજ્યું હતું. મૃતકના મિત્રએ એસ.ટી. બસનાં ચાલક વિરુદ્ધ ફરિયાદ આપતા પોલીસે ગુનો નોંધી આગળની તપાસ હાથ ધરી હતી.