સુરતનાં ઓલપાડ તાલુકાનાં કીમ-કુડસદ રેલવે સ્ટેશન વચ્ચે ચાલુ ટ્રેનમાંથી પડી જતા યુવકનું મોત થયું હતું. મળતી માહિતી મુજબ, 24 વર્ષીય મનોહરસિંગ લાલસિંગ રાજપૂત (રહે.ભિવંડી,મુંબઈ મૂળ રહે.કોસેલાવ, તા.સુમેરપુર,પાલી) જેઓ ભિવંડી ખાતે મેડિકલ સ્ટોર પર નોકરી કરતો હોય જે પોતાના વતન ભાઈ સાથે જઇ રહ્યો હતો.

તે સમયે ટ્રેન નંબર 14708 દાદર-બીકાનેર રાણકપુર ટ્રેનના સી-3 ડબ્બામાં મુસાફરી કરી રહ્યા હતા. આ સમયે ચાલુ ટ્રેનમાં દરવાજાના પગથિયાં પર બેઠેલ મનોહરસિંગ કીમ-કુડસદ વચ્ચે રેલવે ગરનાળા પાસે ટ્રેનમાંથી પડી જતા મોત થયું હતું. બનાવ અંગે કોસંબા રેલવે પોલીસને જાણ થતાં ઘટના સ્થળે પહોંચી વાલી વરસોને શોધી લાશનું પીએમ કરવા સહિતની કાર્યવાહી હાથ ધરી હતી.