પલસાણા તાલુકાનાં ગંગાધરા ખાતેનાં એક મકાન માંથી વિદેશી દારૂની નાની મોટી બોટલો મળી આવી હતી. સુત્રો પાસેથી મળતી માહિતી અનુસાર, પલસાણા પોલીસ સ્ટાફનાં માણસો શુક્રવારેનાં રોજ બપોરનાં સમયે પેટ્રોલીંગમાં હતી. તે દરમિયાન મળેલી બાતમીનાં આધારે પોલીસે પલસાણાનાં ગંગાધરા ખાતેના રામવાડી વિસ્તારમાં મકાન નંબર 410માં રહેતા લિસ્ટેડ બુટલેગર પ્રવીણ રૂપલાલ બોલીવાલના મકાનમાં રેડ કરી હતી.

જોકે પોલીસે રેડ કરતા મકાનમાં તેમની પત્ની સંગીતાબેન હાજર હતી જેથી પોલીસે મહિલાને સાથે રાખીને તપાસ કરતા મકાનના રસોડા માંથી વિદેશી દારૂની નાની-મોટી 142 નંગ બોટલો મળી આવી હતી જેની કિંમત રૂપિયા 92,400/-નો મુદ્દામાલ કબ્જે કરી મહિલાની અટકાયત કરી પતિ પ્રવીણ બોલિવાલને વોન્ટેડ જાહેર કરી કાયદેસરની કાર્યવાહી હાથ ધરી હતી.