કડોદરા પોલીસ મથક હદ વિસ્તારમાં આવેલ નિયોલ ગામના બ્લોક નંબર 339 અને સર્વે નંબર 291ના જગુભાઈ છોટુભાઈ પટેલના શેરડીના ખેતરમાં છુપાવીને રાખેલ ભારતીય બનાવટનો વિદેશી દારૂ  1757 નંગ બોટલ 2,53,320/-ની કિંમતનો વિદેશી દારૂ પોલીસે ઝડપી લીધો હતો. જે અંગેની તપાસ કડોદરા GIDC પી.એસ.આઈ. નાઓને સોંપવામાં આવી હતી.

જે તપાસ દરમિયાન મળેલી બાતમીને આધારે મંગળવારનાં રોજ નિયોલ ગામેથી કેનાલ વાળા ત્રણ રસ્તેથી આ ગુનાનો આરોપી કરણ ઉર્ફે મજનું સંજય શેટ્ટી (ઉ.વ.28, રહે.જોળવા, સિલિકોન રેસિડેન્સી, પલસાણા) નાને ઝડપી પાડી સુરત શહેરનાં પુના પોલીસ મથકના અને કડોદરા પોલીસ મથકના મળી બે પ્રોહીબિશનના ગુનાનો ઉકેલ આણ્યો હતો પોલીસે ગુનાહિત ઈતિહાસ તપાસતા ગુનેગાર સુરત શહેરના પુના અને લીંબયત પોલીસ મથક મળી કુલ 9 જેટલા આર્મ્સ એકટ ,પ્રોહીબિશનના તેમજ મારમારી જેવા ગંભીર ગુનામાં સંડોવાયેલો હોવાનું બહાર આવ્યું હતુ.