કડોદરા જીઆઇડીસી પોલીસ મથકનાં પોલીસ કર્મીઓ રવિવારનાં રોજ પ્રોહીબિશન ડ્રાઇવમાં હતા જે દરમિયાન પી.આઇ.ને ખાનગી રાહે બાતમી મળી હતી કે, શેઢાવ ગામે નિયોલ રેલવે સ્ટેશનની બાજુમાં આવેલ ખુલ્લી જગ્યામાં વિદેશી દારૂ કાટિંગ થઈ રહ્યું છે. જે બાતમીનાં આધારે પોલીસે રેડ કરતા રેલવે સ્ટેશનની બાજુમાં આવેલ ગૌચરની ખુલ્લી જગ્યામાં રેડ કરી ભારતીય બનાવટના વિદેશી દારૂની અલગ અલગ બ્રાન્ડની નવ પેટીઓ મળી આવી હતી જેમાં કુલ 432 બોટલો મળી જેની કિંમત રૂપિયા 26,400/-નો મુદ્દામાલ કબ્જે કરી રાજુ શિલા નામનાં ઈસમને વોન્ટેડ જાહેર કર્યો હતો.