ઓલપાડ પોલીસ મથકના સ્ટાફને ખાનગી રાહે બાતમી મળી હતી કે, દેલાડ ગામે રહેતો લિસ્ટેડ બુટલેગર અજયભાઇ ઘેલાભાઇ વાધેલા એક સીલ્વર કલરની રીટ્ઝ ફોર વ્હીલ કારમાં વિદેશી દારૂનો જથ્થો ભરી દેલાડ ગામની સીમમાં દેલાડ ગ્રામ પંચાયતની પાછળ આવેલ નટુજી ઇન્ડસ્ટ્રીઝ એસ્ટેટમાં જવાના રસ્તા ઉપરથી પસાર થનાર છે. જે બાતમી આધારે પોલીસ સ્ટાફના માણસોએ બાતમીવાળી જગ્યાએ રેઇડ કરી ત્યાંથી એક કાર નંબર GJ/21/AA/0623માંથી ભારતીય બનાવટની વિદેશી દારૂ વ્હીસ્કીની નાની મોટી કુલ 432 નંગ બોટલો મળી આવી હતી. આમ, પોલીસે 40,800/-ની કિંમતનો દારૂ અને કાર મળી કુલ રૂપિયા 2,90,800/-નો મુદ્દામાલ કબ્જે કરી આ ગુનામાં સામેલ અજય ઘેલાભાઈ વાઘેલા (રહે.દેલાડ ગામ, ઓલપાડ) નાને વોન્ટેડ જાહેર કરી વધુ તપાસ હાથ ધરી કાયદેસરની કાર્યવાહી હાથ ધરી હતી.