સુરત શહેરના જહાંગીરા બાદમાં પટેલ નગરનાં A/15માં રહેતા ખુશાલભાઈ માધવભાઈ પટેલ ગત તા.8નાં રોજ ઓલપાડ તાલુકાનાં સરસગામે આવેલ સિગોતર માતાના મંદિરે દર્શનાર્થે ગયા હતા. જ્યાં મંદિરમાં આવેલ તળાવના તેઓ હાથ પગ ધોવા માટે જતા હતા. તે સમયે પગ લપસ્તા તેઓ તળાવનાં ઊંડા પાણીમાં પડ્યા હતા જ્યાં તેઓનું પાણીમાં ડૂબી જવાના કારણે મોત નીપજ્યું હતું. ઘટના અંગે મૃતકનાં પુત્ર ભાવેશભાઈએ ઓલપાડ પોલીસ મથકમાં ફરિયાદ કરતા પોલીસ અકસ્માત મોતનો ગુનો નોંધી તપાસ હાથ ધરી હતી.