સુરત જિલ્લાનાં કામરેજ ખાતે કેનાલ રોડ પર આવેલ સુવર્ણ ભૂમિ રેસિડેન્સીના મકાન નંબર-140માં રહેતા તુલસીભાઈ જીવણભાઇ પોશીયા (મૂળ રહે.અમરેલી જિલ્લાનાં, ઉ.વ.38) હીરાની દલાલી કરતા હતા. જોકે છેલ્લા કેટલાક દિવસથી હીરાનાં રૂપિયાની લેતી દેતી બાબતે માનસિક તણાવમાં રહેતા હતા. જેથી ગત શનિવારનાં રોજ મોડી સાંજે કામરેજ ગામની સીમમાં સૂકાભાઈ ભીખાભાઇ રાઠોડનાં ખેતરના શેઢા પરના આંબાના વૃક્ષ સાથે લટકેલી હાલતમાં તુલસીભાઈની લાશ મળી આવતા પોલીસે અકસ્માત મોતનો ગુનો નોંધી વધુ તપાસ હાથ ધરી હતી.