સુરતનાં પલસાણા તાલુકાનાં ભૂતપોર ગામની સીમમાં ભારત પેટ્રોલિયમની સામે નેશનલ હાઈવે નંબર-53 પર ગતરોજ મોડી રાત્રે એક કદાવર દીપડાને અજાણ્યા કાર ચાલકે ટક્કર મારતા દીપડાનું સ્થળ પર જ કમકમાટી ભર્યું મોત નીપજ્યું હતુ. ઘટનાની જાણ થતા પેટ્રોલપંપનાં કર્મચારીઓ તેમજ આસપાસનાં લોકો દોડી આવ્યા હતા. અત્રે ઉલ્લેખનીય છે કે, હાઇવે પર લોકોની અવરજવર રહે છે અને 10 વાગ્યામાં જ દીપડો આમ ખુલ્લામાં ફરતા લોકોમાં ભારે ભય ફેલાયો હતો. ઘટનાની જાણ આસપાસનાં ગામોમાં થતા લોકોનું ટોળું ઘટના સ્થળે ઘસી આવ્યું હતુ તો બીજી તરફ પલસાણા પોલીસે પણ ઘટના સ્થળે પહોંચી દીપડાનો કબ્જો મેળવી વનવિભાગને ઘટના અંગેની જાણ કરી હોવાનું જાણવા મળ્યું હતું.