સુરતનાં કામરેજ ખાતેનાં ભાદા ગામેં રહેતા એક પરણિત પુરૂષની આંખ એક 24 વર્ષીય યુવતી સાથે મળી જતા પરણિત પુરુષ કુંવારો હોવાનું કહી યુવતી સાથે લગ્નની લાલચે સબંધ બાંધી ગર્ભવતી બનાવતા અને પ્રેમિકા સાથે લગ્ન નહિ કરતા પ્રેમીકએ કામરેજ પોલીસ મથકના ફરિયાદ આપી હતી. મળતી માહિતી અનુસાર, કામરેજનાં ખોલવડ કોલોનીમાં રહેતા શિવમભાઈ ફકીરભાઈ વસાવા નાઓ છૂટક મજૂરી કરી પોતાનું ગુજરાન ચલાવે છે.

જોકે બે વર્ષ અગાઉ કડોદરા ખાતે રહેતી એક યુવતી સાથે પ્રેમ સબંધ પાગર્યો હતો જેમાં શિવમ પરણિત હોવા છતાં યુવતીને અંધારામાં રાખી પોતે અપરણિત હોવાનું કહી શિવમ અવાર-નવાર નીલમ સાથે લગ્નની લાલચ આપી શારીરિક સબંધ બાંધતો હતો.

તે દરમિયાન યુવતીને ગર્ભ રહી જતા તેને શિવમને લગ્ન માટે દબાણ કર્યું હતું જેથી શિવમે યુવતીને ગર્ભપાત કરાવવા માટે દબાણ કર્યું હતું અને જાનથી મારી નાખવાની ધમકી આપી હતી. જોકે યુવતીએ ગર્ભપાત નહિ કરાવતા શિવમ અંગે તપાસ કરતા શિવમ પરણિત હોવાનું જાણવા મળ્યું હતુ અને યુવતીની ડિલિવરી થતા એક બાળકને જન્મ આપ્યો હતો. જયારે યુવતીને સાથે શિવમે છેતરપીંડી કરતા યુવતીએ કામરેજ પોલીસ મથકમાં શનિવારનાં રોજ ફરિયાદ આપતાં કામરેજ પોલીસે તપાસ હાથ ધરી હતી.

​