સુરતનાં પલસાણા ગામે રહેતા ચંદન છોટેલાલ પંડિત નાઓ બુધવારે બપોરનાં સમયે ઇટાળવા ગામે ભારત પેટ્રોલિયમની સામેથી પલસાણા સચિન હાઇવે ક્રોસ કરી રહ્યો હતો. તે  દરમિયાન પલસાણા તરફથી સચિન તરફ જતી આઈ-10 કાર નંબર GJ/21/BC/6432નાં ચાલકે એકાએક અડફેટે લેતા ચંદન પંડિત રોડ પર ફંગોડાયો હતો.

જોકે ઇજાગ્રસ્ત હાલતમાં 108 મારફતે ચંદનને સુરત સિવિલ ખાતે ખસેડવામાં આવતા ફરજ પરના તબીબે મૃત જાહેર કરતા મૃતકનાં બનેવી પ્રદીપકુમાર તિવારીએ પલસાણા પોલીસ મથકમાં કાર ચાલક વિરુદ્ધ ફરિયાદ આપી હતી. ઘટના અંગે પોલીસે ગુનો નોંધી વધુ તપાસ હાથ ધરી હતી.