માંડવીનાં ખલનાં ફળિયામાં વરસાદનાં પાણીમાં રમવા ગયેલો 3 વર્ષીય બાળક પોતાનાં ઘરની પાછળનાં  ભાગે વરસાદના પાણી ભરેલા બાંધકામનાં ખાડામાં પડી જતા ડૂબી જવાથી મોતને ભેટ્યો હતો. સુત્રો પાસેથી મળતી માહિતી અનુસાર, માંડવીનાં ખલનાં ફળિયામાં રહેતા દિલીપભાઈ ધર્મસિંગભાઈ વસાવાનો 3 વર્ષીય પુત્ર આકાંશ મોડી સાંજે 4 વાગ્યાનાં અરસામાં વરસાદનાં પાણીમાં રમી રહ્યો હતો.

તે દરમિયાન ઘરના પાછળનાં ભાગે નવા મકાનનાં બાંધકામ માટે ખોડેલો ખાડામાં અકસ્માતે પડી જતા વરસાદના પાણીમાં ડૂબી જવાથી બાળકનું મોત નોપજ્યું હતું. બનાવ અંગે માંડવી પોલીસ પોલીસે ગુનો નોંધી વધુ તપાસ હાથ ધરી હતી.

​