નવસારી જિલ્લાનાં બીલીમોરા નજીકના ખાપરવાડા ગામે રાવણફળિયા, માછીવાડની ખુલ્લી જગ્યામાં ૨૪ પૂઠાના બોક્સમાં રાખેલી બિયર-વ્હસ્કીની ૨૧૦૦ બાટલી જેની કિંમત રૂપિયા ૩,૦૯,૦૦૦ પોલીસે રેડ કરીને જપ્ત કરી હતી. જ્યારે પોલીસને જોતા જ નાસી ગયેલા બે ઈસમો સહિત કુલ ચારને પોલીસે વોન્ટેડ જાહેર કર્યા હતા. બીલીમોરા પોલીસને મળેલી બાતમી મુજબ નજીકના ખાપરવાડા ગામે રાવણફળિયા, માછીવાડ ખેતરની ખુલ્લી જગ્યામાં રેડ કરવામાં આવી હતી.

આ સમયે ત્યાં રાખેલા ૨૪ પૂઠાના બોક્સમાં તેમજ ૩૬ પ્લાસ્ટિકની કોથળીમાં રાખેલ ૨૧૦૦ નંગ વ્હીસ્કીની બાટલીઓ મળી આવી હતી. જેની કિંમત રૂપિયા ૩,૦૯,૦૦૦/- થાય છે. વધુમાં પોલીસે સ્થળ પરથી કાળા કલરનું એક્ટિવા મોપેડ અને એક કાળા કલરનું સ્પ્લેન્ડર બાઈક પણ કબજે કરી હતી. જ્યારે પોલીસની રેડ સમયે બે ઈસમો નાસી ગયા હતા.

પોલીસે દારૂનો જથ્થો તથા બાઈક અને મોપેડ મળી કુલ રૂપિયા ૩,૫૯,૦૦૦/-નો મુદ્દામાલ જપ્ત કરી નાસી ગયેલા ઇસમો તથા ગુનામાં સામેલ અન્ય બે મળી કુલ ચારને વોન્ટેડ જાહેર કર્યા હતા. આ ઇસમોમાં કૃપલ ઉર્ફે કુકુ મગનભાઈ પટેલ (રહે.ભાઠલા ખાડી ફળિયા), આયુશ ઉર્ફે અંશુ કૌશિકભાઈ પટેલ (રહે.રાવણફળિયા મોટા રોડ, ખાપરવાડા) અને એક્ટિવા ચાલક અને બીજો સ્પ્લેન્ડર બાઈક ચાલકનો સમાવેશ થાય છે.