મનિષા એસ. સુર્યવંશી/તાપી : સોનગઢનાં મલંગદેવ ગામનાં આમલી ફળિયામાંથી વગર પાસ પરમીટે ઘરની પાછળ બાથરૂમમાં દેશી દારૂની બોટલો મળી આવી હતી. મળતી માહિતી મુજબ, સોનગઢ પોલીસ સ્ટાફના માણસો તારીખ ૧૭/૧૦/૨૦૨૪નાં રોજ પ્રોહી. પેટ્રોલિંગમાં નીકળ્યા હતા. તે દરમિયાન ખાનગી રાહે બાતમી મળી હતી કે, મલંગદેવ ગામે આમલી ફળિયામાં રહેતો કાંતિલાલ જીવાભાઈ ભીલ પોતાના ઘરના પાછળના ભાગે બાથરૂમમાં દેશી દારૂ લાવી પોતાના ઘરે વેચાણ કરે છે.

જે બાતમીના આધારે પોલીસ સ્ટાફના માણસો બાતમીવાળી જગ્યા પર પહોંચતા ત્યાં કાંતિલાલ અને વિજય બંનેને પોલીસે જોયા હતા પરંતુ પોલીસને જોઈ ભાગવા જતા પોલીસે બુમ પાડી હતી. તેમ છતાં બંને જણા આજુબાજુના ખેતરમાં લીલા ઘાસ તથા નાગલીના ખેતરોની આડમાં ભાગી છુટ્યા હતા. ત્યારબાદ પોલીસે તપાસ હાથ ધરતા સ્થળ ઉપરથી વિમલનાં થેલામાંથી ૧૪૪ નંગ દેશી દારૂની બોટલો મળી આવી હતી. બનાવ અંગે પોલીસ કર્મચારીની ફરિયાદના આધારે સ્થળ ઉપરથી ભાગી છુટેલ બંને ઈસમો વિરુદ્ધ ગુનો નોંધી કાયદેસરની કાર્યવાહી હાથ ધરી હતી.