વલસાડ જિલ્લાનાં પારડી જીઆઈડીસી ખાતેની આર.કે. લાઈટ કંપનીમાંથી સગીરાનું અપહરણ કરનારને પોલીસે સીસીટીવી અને ટેફક્નિકલ એનાલિસિસના આધારે કાપોદ્રા સુરતથી ઝડપી પાડયો હતો. ગત તારીખ ૨૪ જાન્યુઆરી ૨૦૨૫ નારોજ પારડી જી.આઈ.ડી.સી.ની આર.કે.લાઈટ કંપનીમાંથી સગીરાનું અપહરણ થયું હતું. જે અંગે તારીખ ૩૦ જાન્યુઆરી ૨૦૨૫ નારોજ પારડી પોલીસ સ્ટેશનમાં જાણવા જોગ ફરિયાદ નોંધાઈ હતી. જેને લઈ પારડી પોલીસે સીસીટીવી ફૂટેજ અને ટેક્નિકલ એનાલિસિસના આધારે આરોપી આનંદ ઉર્ફે કરિયા કલ્લુ સરોજ (ઉ.વ.૨૦, રહે.કાપોદ્રા, સુરત, મૂળ રહે.જોનપુર, ઉત્તરપ્રદેશ)ને કાપોદ્રા, સુરત ખાતેથી ઝડપી પાડયો છે. સગીરા સાથે દુષ્કર્મ થયાનું સાબિત થતાં પોલીસે ગુનો નોંધી વધુ તપાસ હાથ ધરી હતી.