કચ્છનાં સામખિયાળી માળીયા નેશનલ હાઇવે પર એકસાથે સાત વાહનો વચ્ચે અકસ્માત સર્જાતા એક શખ્સનું ઘટના સ્થળે જ મોત નિપજ્યું હતું. અકસ્માતનાં પગલે ટ્રાફિકજામના દ્રશ્યો સર્જાયા હતા. અકસ્માતની જાણ થતાં સ્થાનિક પોલીસનો કાફલો ઘટના સ્થળે દોડી આવ્યો હતો અને વાહનોને દૂર કરી હાઇવે પરથી માર્ગ ખુલ્લો કરાવ્યો હતો. મળતી માહિતી અનુસાર, કચ્છના સામખિયાળી-માળિયા નેશનલ હાઇવે પર ટ્રક, ટેમ્પો અને બસ સહિતના સાત વાહનો વચ્ચે ટક્કર થતાં અકસ્માત સર્જાયો હતો.

સામખિયાળી-માળિયા નેશનલ હાઇવે પર આવેલા કટારિયા બ્રિજ નજીક સર્જાયેલ અકસ્માતમાં એક શખ્સનું ઘટના સ્થળે જ મોત નીપજ્યું હતું. અકસ્માતનાં પગલે હાઇવે પર ટ્રાફિકજામના દ્રશ્યો સર્જાયા હતા. વાહનોની લાંબી લાંબી લાઇનો લાગી હતી. જોકે અકસ્માતની જાણ થતાં સ્થાનિક પોલીસનો કાફલો ઘટનાસ્થળે દોડી આવ્યો હતો અને મૃતકની ડેડબોડીને પોસ્ટમોર્ટમ માટે હોસ્પિટલ ખાતે ખસેડવાની કાર્યવાહી હાથ ધરવામાં આવી હતી. પોલીસ અને સ્થાનિક લોકોએ ટ્રાફિકજામે દૂર કરી ફરીથી રસ્તો ખુલ્લો કરવા માટે ભારે જહેમત ઉઠાવી હતી. બનાવ અંગે પોલીસે અકસ્માતનો ગુનો નોંધી વધુ તપાસ હાથ ધરી હતી.