સુરત જિલ્લાનાં કીમનાં મોટા બોરસરા ગામની સીમમાં નવાપરા ખાતે કચરો ફેંકતા સમયે પરપ્રાંતિય ઇસમને કરંટ લાગતા તેનું ઘટના સ્થળે મોત થયું હતું. હાલ કન્યાસી ગામ પારસ કોમ્પ્લેક્ષ ખાતે રહેતા અને મુળ ઓરિસ્સાનાં ચીકુન માંગતા પ્રધાન માંગરોળનાં મોટા બોરસરા ગામની સીમમાં નવાપરા ખાતે રાંધલ ટેક્સટાઇલ કંપનીનાં પાછળનાં ભાગે આવેલા ટ્રાન્સફોર્મરની બાજુમાંથી કંપનીની બહાર કચરો ફેંકી રહ્યા હતા. તે દરમ્યાન ત્યાંથી પસાર થતો ટ્રાન્સફોર્મરનો વિજતાર ચીકુન પ્રધાનને અડી જતા તેને જોરદાર કરંટ લાગતા ઘટના સ્થળે જ મોત થયું હતું. ઘટના અંગે કોસંબા પોલીસને જાણ કરવામાં આવતા હાલ પોલીસે ગુનો નોંધી આગળની તપાસ હાથ ધરી હતી.