સુરત જિલ્લાનાં કીમ તાલુકાનાં ઉંભેળ ગામની સીમમાં નેશનલ હાઈવે નંબર-૪૮ પર રસ્તો ક્રોસ કરી રહેલા રાહદારીને અજાણ્યા વાહન ચાલકે અડફેટમાં લેતા તેનું ગંભીર ઈજા સાથે ઘટના સ્થળે મોત થયું હતું. મળતી માહિતી મુજબ, કામરેજનાં ઉંભેળ ગામની સીમમાંથી પસાર થતા નેશનલ હાઈવે નંબર-૪૮નો રસ્તો રજનીશ રામબહોર રાવત ક્રોસ કરી રહ્યા હતા. તે દરમિયાન પાછળથી આવેલ અજાણ્યા વાહન ચાલક રજનીશને અડફેટમાં લઈ ફરાર થઈ ગયો હતો. જોકે રજનીશને ગંભીર ઇજાઓ પહોંચતા તેનું ઘટના સ્થળે મોત થયું હતું. બનાવ અંગે કામરેજ પોલીસે અજાણ્યા વાહન ચાલક વિરૂદ્ધ ગુનો નોંધી આગળની કાર્યવાહી હાથ ધરી હતી.