વલસાડના નંદાવલા ત્રણ રસ્તા પાસેથી એક નવી નક્કોર મોંઘી દાટ કાર કિયા સેલ્ટોશમાં દારૂ ભરીને પસાર થઈ રહેલા બુટલેગરે ઉતાવળમાં સ્ટેરીંગ પરનો ગુમાવતા વળાંક પાસે કાર પલ્ટી ખાઈ જતાં વીજ થાંભલા સાથે ધડાકાભેર અથડાઈ હતી. તે સમયે સ્થળ પર પ્રત્યેક્ષદર્શીના જણાવ્યા મુજબ, કારમાંથી બે શખ્સ ઉતરીને ભાગી ગયા હતા.

જોકે અકસ્માત થતાં લોકો ભેગાં થઈ ગયાં હતાં અને કારની અંદર જોતાં દારૂનો જથ્થો ખીચોખીચ ભરેલો હતો. આ વાત વાયુવેગે પ્રસરી ગઇ હતી અને કારમા ભરેલા દારૂની લોકો લૂંટ ચલાવે તે પહેલા રૂરલ પોલીસ ઘટના સ્થળે પહોંચી ગઈ હતી. પોલીસે ભારતીય બનાવટની ઈંગ્લીશ દારૂ વ્હિસ્કી તથા બિયરની પેટી નંગ-૧૯માંથી કાબુ બાટલી નંગ ૮૫ર કિ.રૂ.૧.૪૧.૬૦૦ અને કાર મળી કુલ રૂ.૬,૪૧,૬૦૦નો મુદ્દામાલ કબજે કર્યો હતો. આ ઘટનામાં દારૂ ભરેલી કાર વલસાડનાં સરોણ ગામથી કેવાડા ગામ તરફ જઈ રહી હોવાનું જાણવા મળ્યું હતું. અને બૂટલેગરો પાછળ પોલીસ પીછો કરી રહી હતી. દારૂ ભરેલી કારને ક્રેઈનની મદદથી બહાર કાઢી વલસાડ રૂરલ પોલીસ મથકે લઇ જવા આવી હતી.