ચીખલીનાં સાદકપોરનાં પોણીયા ફળિયામાં રહેતા ધર્મિષ્ઠાબેન અશોકભાઈ હળપતિની બહેન આશાબેન સોમવારની રાત્રે 8.30 વાગ્યાનાં અરસામા ઘરેથી ગુમ થયા બાદ મળી આવી ન હતી. તેણીએ ફોન પણ નહીં ઉપાડતા તેની શોધખોળ આદરી હતી. તે અવાર-નવાર અજયભાઈ સાથે વાત કરતી હોય તેનો સંપર્ક કરતા તેણે તમારી બહેન સાથે તલાવચોરા ગામે લગ્ન પ્રસંગમાં આવેલા છે. તે ફોન ચાર્જમાં મૂકી લગ્નમાં જમવા ગઇ હોવાનું જણાવ્યું હતું.

ત્યારબાદ આશાબેનનાં ફોન પર અવાર-નવાર ફોન કરતા અજયે ઉપાડ્યો હતો અને તે જોર જોરથી રડવા લાગ્યો હતો. ઘરની પાછળ ખેતરમાં જઈને જોતા આંબાની ઝાડની ડાળી પર મરૂન રંગનો દુપટ્ટો લટકતો જોવા મળેલ અને આશાબેન ઝાડ નીચે જમીન ઉપર બેભાન હાલતમાં હોય 108 દ્વારા રેફરલમાં ખસેડાતા ત્યાં ફરજ પરના તબીબે મૃત જાહેર કરી હતી. જોકે આશાબેન અશોકભાઈ હળપતિ (ઉ.વ.24, રહે.સાદકપોર પોણીયા ફળિયા,તા.ચીખલી) નાંએ કોઈ અગમ્ય કારણોસર પોણીયા ફળિયાના ડાહ્યાભાઈના ખેતરમાં આંબાના ઝાડ ઉપર ફાંસો ખાઇ લીધો હતો.