નવસારીનાં લુન્સીકુઇ મેદાન પાસે આપેલ સેન્ટ્રલ બેંકની પાછળ સાંઇકૃપા એપાર્ટમેન્ટના ચોથા માળે શીલાબેન રામચંદ્ર પટેલ તેમના પરિવાર સાથે રહે છે અને શીલાબેન નજીકમાં આવેલી સોસાયટીમાં ઘરકામ કરવા જાય છે તેમજ તેમના પતિ હોટલમાં વેઇટર તરીકે કામ કરે છે. જોકે ગુરૂવારનાં રોજ સવારે બંને પતિ-પત્ની કામ માટે રાબેતા મુજબ ગયા હતા.

તેમજ બપોરે 1 વાગ્યા પછી જમવા આવતા શીલાબેને જોયું તો તેમના ઘરનું મુખ્ય દરવાજાનું લોક તોડેલી હાલતમાં હતું અને ઘરની અંદર જોતા સામાન વેર વિખેર પડ્યો હતો અને ઘરની અંદર બેડરૂમમાં મુકેલો કબાટની તિજોરી પણ ખુલ્લી હાલતમાં જોવા મળી હતી. જયારે પોલીસ સ્ટેશનમાં આપેલ ફરિયાદમાં શીલાબેન પટેલે 30 હજાર રોકડા સોના અને ચાંદીના દાગીના મળી કુલ રૂપિયા 40 હજારની ચોરીની ફરિયાદ નોંધાવી હતી. ઘટના સ્થળે નવસારી ટાઉન ડીસ્ટાફ ઘસી જઇને તપાસ હાથ ધરી હતી.