નવસારીનાં જલાલપોર વિસ્તારમાં ફરતા દીપડાએ એક વાછરડા ઉપર હુમલો કરી મારી નાખ્યું હતું. જયારે નવસારી શહેરનાં જલાલપોર વિસ્તારની વાડીઓમાં કેટલાક દિવસોથી લટાર મારી રહ્યો છે. આજથી 15 દિવસ અગાઉ તો અહીંના એક શખ્સ પોતાના ફાર્મ ઉપર જતા હતા ત્યારે ઓવાઈ ફળિયા નજીક દીપડાને નજરે જોયો અને કેમેરામાં પણ કેદ કર્યો હતો.

જોકે થોડા દિવસ દેખાયો નહીં હવે પુનઃ દીપડો હજુ ફરી રહ્યાંના પ્રમાણ મળ્યાં છે. દીપડાએ એક વાછરડા ઉપર હુમલો કરી તેને મારી નાખ્યું હતું. અહીં ઉલ્લેખનીય છે કે, અગાઉ દીપડો દેખાયા બાદ વન વિભાગે પાંજરું તો મૂક્યું હતું પણ તેમાં મરઘી મૂકી હતી પણ મરઘી પણ ગાયબ થઇ ગયાનું જાણવા મળ્યું છે. જલાલપોરનો ઓવાઈ વિસ્તારએ નવસારી શહેરનો જ એક ભાગ છે અને માનવ વસ્તી પણ મોટા પ્રમાણમાં રહેતી હોય દીપડાની લટારથી લોકોમાં ચિંતા જોવા મળી રહી છે.