નવસારીમાં સાલેજ અને ગણેશ સિસોદ્રાથી બે ભેંસ અને બચ્ચું લઈ જતા સુરતનાં ચાલક સહિત બે પાસે કોઈ દસ્તાવેજો નહીં હોય અને ઘાસ ચારાની વ્યવસ્થા કરેલી નહીં હોય તેમની અટક ગ્રામ્ય પોલીસે કરી હતી. મળતી માહિતી અનુસાર, નવસારીનાં ગ્રીડ ઓવરબ્રિજ પાસેથી સુરત લઈ જતા ટેમ્પોમાં 2 ભેંસ અને બચ્ચુને દોરડા વડે બાંધેલા હોય, ટેમ્પોમાં ઘાસ ચારાની સગવડ નહીં હોય તેમજ તેમની પાસે દસ્તાવેજો નહીં હોય ગ્રામ્ય પોલીસના સ્ટાફે ટેમ્પો નંબર GJ/05/BX/6265નાં ચાલક અંશાર ઇશાક શેખ અને સાબિર ઉર્ફે ભંગાર (બંને રહે.રઝાનગર ઝૂંપડપટ્ટ, સુરત)નાની અટક કરી હતી. જોકે પોલીસે પશુઓ પ્રત્યેનાં ઘાતકીપણું અટકાવવાનાં અધિનિયમ મુજબનો ગુનો દાખલ કરી આગળની કાર્યવાહી કરી હતી.