જલાલપોરનાં કોલસાણા ગામે રહેતી મહિલાને પેટની બિમારી હોય તેની સારવાર કરાવવા છતાં પણ સારી નહીં થતા આખરે ઘરે એકલી હતી ત્યારે ફાંસો ખાઈ જીવન ટૂંકાવી લીધું હતું. મળતી માહિતી અનુસાર, જલાલપોરનાં કોલાસણા ગામે રહેતા અશોકભાઈ ઉકાભાઈ રાઠોડે મરોલી પોલીસમાં જાણ કરી હતી કે, તેમની માતા મધુબેન ઉકાભાઈ રાઠોડ (ઉ.વ.55) તેમની સાથે રહેતા હતા. તેમની માતાને પેટની બિમારી હતી.

જોકે સારવાર કરવા છતાં સારી નહીં થતા કંટાળી ગઈ હતી અને જેથી તા.5મી નવેમ્બરનાં રોજ સવારે 7 વાગ્યા પહેલા તેણીનો ઘરના આગળના દરવાજા પાસે ઘરના માળિયામાં આવેલ લાકડા સાથે નાયલોનની દોરી વડે ફાંસો ખાઈ લીધો હતો. જેની જાણ તેમના પરિવારજનોને સવારે થઈ હતી જેથી અશોકભાઈએ પોલીસે આ બનાવ અંગે પોલીસમાં ફરિયાદ આપી હતી.