નવસારીમાં રેંજ આઈજીની પ્રોહિબિશન ડ્રાઈવ ટીમ દ્વારા બોરીયાચ ટોલનાકેથી 42 હજારની વિદેશી દારૂના જથ્થા સાથે એકને ઝડપી પાડી બીજા 2ને વોન્ટેડ જાહેર કર્યા હતા. જયારે ગ્રામ્ય પોલીસ તપાસ કરી હાથ ધરી હતી. નવસારી વિભાગમાં વિદેશી દારૂની હેરફેર થતી અટકાવવા પ્રોહિબિશન ટીમ સુરત વિભાગનો સ્ટાફ પેટ્રોલિંગમાં હતો. તે દરમિયાન બોરીયાચ ટોલનાકે મુંબઇથી અમદાવાદ જતા રોડ પર કાર નંબર GJ/15/PP/6735 આવતા તેમાં તપાસ કરતા 42 નંગ વિદેશી દારૂની બાટલી મળી આવી હતી.

જેની કિંમત રૂપિયા  42,000/- હતી અને સાથે કાર ચાલક સંદીપ વારલી (રહે.કરમબેલે, જિ.વલસાડ) નાની અટક કરી હતી. જોકે આ વિદેશી દારૂ કરમબેલે ગામના હરિશ પટેલ ઉર્ફે પપીયોએ ભરાવી આપ્યો હોવાનું જણાવ્યું અને સચીનના મિકલ પટેલને સપ્લાય આપવાનો હોવાનું જણાવતા પોલીસે બંને જણાને વોન્ટેડ જાહેર કર્યા હતા. બનાવ અંગે પોલીસે આગળની વધુ કાર્યવાહી હાથ ધરી હતી.