ચીખલી તાલુકાનાં હોન્ડ ગામે નેશનલ હાઇવે પર રાત્રિ દરમિયાન સાયકલ લઈને રોડ ક્રોસ કરી રહેલ સ્થાનિક 47 વર્ષીય શખ્સને અજાણ્યા વાહન ચાલકે અડફેટે લેતા ઘટના સ્થળે જ મોત નિપજ્યું હતું. સુત્રો પાસેથી મળતી માહિતી મુહબ, બુધવારે રાત્રે 9.30 વાગ્યાનાં અરસામાં રાજેશ ચીમનભાઈ રાઠોડ (રહે.હોન્ડ, તળાવપાર ફળિયા, તા.ચીખલી) સાયકલ સાથે હોન્ડ નેશનલ હાઇવે ઝંડા ફળિયા પાસે રોડ ક્રોસ કરી રહ્યા હતા. તે દરમિયાન પૂરઝડપે આવતી અજાણ્યા વાહનનાં ચાલકે તેમને અડફેટે લેતા ગંભીર ઈજા થતાં તેમનું ઘટના સ્થળે જ મોત નિપજ્યું હતું. બનાવ અંગે નવિન પંચાલ (રહે.હોન્ડ, ઝંડા ફળિયા, તા.ચીખલી)નાંએ ફરિયાદ આપતા પોલીસે અજાણ્યા વાહન ચાલક સામે ગુનો નોંધી કાર્યવાહી હાથ ધરી હતી.