નવસારી શહેરનાં શાંતાદેવી વિસ્તારમાં રહેતી રત્નકલાકારની દિકરીને તેમના જ એક મિત્રનાં પુત્રએ ભગાવી જતા નવસારી ટાઉન પોલીસ સ્ટેશનમાં યુવક વિરુદ્ધ ફરિયાદ નોંધાવવામાં આવી હતી. સુત્રો પાસેથી મળતી માહિતી અનુસાર, ધોરણ-11 બાદ બહારથી ધોરણ-12ની પરીક્ષા આપવાની તૈયારી કરતી સગીરાને 23 વર્ષનો યુવક મયુર કિરીટભાઈ હરસોરા લગ્નની લાલચ આપી ઘરથી ભગાડી હતી.

જેને લઈને સગીરાનાં પરિવારજનો આ બાબતે ચિંતાતુર બનતા શોધખોળ કરતાં ખબર પડી કે, સગીરાનાં પિતાનાં મિત્ર કિરીટભાઇનાં પુત્ર મયુર એ જ કારસ્તાન કરતા પિતાએ પોતાની સગીર વયની દીકરીને ભગડવાના અંગે ટાઉન પોલીસમાં ફરીયાદ આપતા પોલીસે આરોપી યુવક અને સગીરા સુધી પહોંચવા માટેની તપાસ શરૂ કરવામાં આવી હતી.