નવસારીનાં ખેરગામનાં બાવળી ફળિયા ખાતે રહેતા વિપીનચંદ્ર કરશનભાઇ પટેલ (ઉવ.51)નાંએ વાવ ફાટક પાસે આવેલી તેમની આંબાવાડીમાં ઝાડ ઉપર નાયલોન દોરી વડે ફાંસો લટકાવી આપઘાત કરી લેતા સમગ્ર ખેરગામ વિભાગમાં સનસનાટી મચી ગઇ હતી. આ મામલે તેમના સંબંધી સશીનભાઈ ઘેલાભાઈ પટેલે ખેરગામ પોલીસ મથકે જાણ કરતાં પોલીસે અકસ્માત મોતનો ગુનો દાખલ કરી લાશનું પીએમ કરાવી આગળની તપાસ એ.એસ.આઈ. હાથ ધરી છે. મરનાર વિપીનચંદ્ર ખેરગામ તાલુકાના ગામોમાં વર્ષોથી તલાટી કમ મંત્રી તરીકે સેવા આપતા હતા. હાલમાં તેઓ ચીખલીના ઢોલુમ્બર ખાતે તલાટી કમ મંત્રી તરીકે ફરજ બજાવતા હતા.