નવસારીનાં મહુડી ગામે વડોદરામાં રહેતા નિવૃત ઇસમનાં બંધ ઘરનો લાભ ઉઠાવી તેના જ સંબંધી મહિલાએ એક સગીરની મદદથી સોના-ચાંદીના દાગીના અને રોકડ મળી રૂપિયા 91 હજારની ચોરી કરી હતી. મળતી માહિતી અનુસાર, નવસારીનાં મહુડી ગામે મિંઢોળા ફળિયામાં રમેશ નાનુભાઈ પટેલનું ઘર આવેલું છે. તેઓ નિવૃત હોય વડોદરાના ગૌરવામાં રહે છે. તેઓ મહુડી ગામે તેમના ઘરે વર્ષમાં 3 કે 4 વાર આવતા હોય છે.

જોકે આ બાબતે તેમની ભાણેજ હિના પટેલ (રહે.મહુવા) નાને જાણ હતી. તેણીએ નવસારીનાં એક સગીરની મદદથી તારીખ 15થી 29 જુલાઈનાં સમયગાળા દરમિયાન મામા રમેશભાઈનું ઘર બંધ હોય તે તકનો લાભ ઉઠાવીને ઘરમાં મુકેલ સોના-ચાંદીના દાગીના, રોકડ 50 હજાર મળી 91,500/-ની મતાની ચોરી કરી હતી. બનાવ અંગે રમેશભાઇ પટેલને જાણ થતાં ભાણેજ સામે ફરિયાદ નોંધાવી હતી.