નવસારીનાં ચીખલી તાલુકાનાં રાનકુવા ગામ નજીક સવારે અકસ્માતની ઘટના બની હતી. જેમાં શેરડી ભરેલી ટ્રકે કારને અડફેટે લેતાં કાર નહેરમાં જઈને ખાબકી હતી. જેથી તાત્કાલિક સ્થાનિક ગ્રામજનોએ અકસ્માત થતા મદદ દોડી આવ્યા હતા અને ઇજાગ્રસ્તોને તાત્કાલિક સારવાર અર્થે ખસેડ્યાં હતા. જોકે અકસ્માત એટલો તીવ્ર હતો કે, નહેરમાં પડેલી કારનો ભૂખો બોલાઈ ગયો હતો. તેમજ શેરડી ભરેલી ટ્રક પણ પલટી મારતા રોડ પર શેરડી પથરાઈ ગઈ હતી.

જેને કારણે અન્ય વાહન ચાલકોને પણ ટ્રાફિક જામનો સામનો કરવો પડ્યો હતો. જોકે અકસ્માતની ઘટના બનતા ટ્રક ચાલક સ્થળ પરથી ભાગી છુટ્યો હતો. જોકે આ સમગ્ર અકસ્માતમાં 2ની સારવાર દરમિયાન મોત થયા હતા અને આ ઘટનાની જાણ થતા ચીખલી પોલીસ દોડી આવી હતી અને કાયદેસરની કાર્યવાહી શરૂ કરી હતી.