નવસારી પોલીસનાં જવાનો સવારે પરેડ માટે કૃષિ યુનિવર્સિટી નજીક આવેલ પોલીસ પરેડ ગ્રાઉન્ડ પર દરરોજ પરેડ માટે જાય છે. જોકે ગતરોજ સવારે પોલીસની એમટી વાન નંબર GJ/21/G/0782માં નવસારીથી પરેડ માટે નીકળ્યા હતા. તે સમયે સવારે 6.15 વાગ્યાનાં આસપાસ પોલીસ વાન એરૂથી દાંડીરોડ પર જતાં વેળા કાળા કપડાં પહેરેલ વ્યક્તિ જોગીંગ કરતો હતો પણ સવારનાં ઝાકળ અને અંધારાને પગલે આ વ્યક્તિને નજીક આવતા જોઈ ડ્રાઈવરે અચાનક બ્રેક મારી હતી. જેના કારણે રસ્તાની જમણી બાજુ વાન ઉતરી પડી વૃક્ષ સાથે ટકરાઈ ગઈ હતી. તેમાં વાનમાં બેસેલા 10 પોલીસ જવાનને નાની-મોટી ઇજા થઇ હતી. પરંતુ તમામ જવાનોનો અદભુત બચાવ થયો હતો.