નવસારીનાં ચીખલી તાલુકાનાં કાકડવેલ વડ ફળીયા ખાતે રહેતા મહેશ અમ્રતભાઈ પટેલ પોતાના કબ્જાનું ટ્રેકટર નંબર GJ/11/E/0859 લઈ અંબાચ ગામે રહેતા સવિતાબેન પટેલનું ખેતર ખેડવા માટે ગયા હતા અને ખેતરની એક ક્યારી ખેડી બીજી ક્યારી ખેડવા જતા હતા. તે દરમિયાન પોતાના કબ્જાનું ટ્રેકટર બેફિકરાઈથી ચલાવી લાવી ટ્રેકટર ઊંધું વળી જતા ચાલક મહેશ પટેલ ટ્રેકટર નીચે દબાઈ જતા જમણા પગના ભાગે તેમજ છાતીના ભાગે ગુપ્ત માર વાગતા રૂમલા સીએચસી ખાતે પ્રાથમિક સારવાર માટે લઈ ગયા હતા.

ત્યારબાદ સારવાર અર્થે વલસાડ સિવિલ હોસ્પિટલમાં લઈ જતા બુધવારની રાત્રીનાં સમયે તબીબે મૃત જાહેર કર્યા હતા. બનાવ અંગે મિલન મહેશભાઈ પટેલ (રહે.કાકડવેલ, વડ ફળીયા, તા.ચીખલી) નાએ કરતા પોલીસે અકસ્માત મોતનો ગુનો નોંધી વધુ તપાસ PSI એ હાથ ધરી હતી.