નર્મદા જિલ્લાનાં સાગબારા તાલુકામાં નરવાડી ગામની સીમમાં આવેલા કૂવામાં નાહવા પડેલા યુવાનનું પાણીમાં ડૂબી જતાં મોત નિપજ્યું હતું. મળતી માહિતી અનુસાર, રમીલા મગનભાઇ વસાવા (રહે.નરવાડી, તા.સાગબારા)નાંએ પોલીસને જાણ કર્યા મુજબ દિનેશ મગનભાઇ વસાવા (ઉ.વ.35, રહે. નરવાડી,તા.સાગબારા) વિનોદ ભીમસીંગભાઇ પાડવીના ખેતરમાં ડાંગર રોપવા માટેની મજૂરી કામ કરવા માટે ગયેલા અને ડાંગર રોપવાની કામગીરી ચાલુ કરવાની થોડીવાર હોવાથી જેથી દિનેશ મગન વસાવા, દિનેશ બારકાભાઇ વસાવા, કાલુભાઇ રવકીયાભાઇ વસાવા સહિતનાએ ખેતરમાં આવેલા કુવાના પાણીમા નાહવા માટે ઉતરેલા અને કુવાના પાણીમા નાહતા હતા. તે વખતે દિનેશ મગનભાઇ વસાવા અચાનક કુવાના ઉંડા પાણીમા ડૂબી જતા તેમનું મોત નિપજતાં સાગબારા પોલીસે અકસ્માત મોત દાખલ કરી વધુ તપાસ હાથ ધરી છે.