દેડીયાપાડાનાં દાબદા ગામના દંપતી બાઈક લઈને માંચ ચોકડી તરફ જતા હતા ત્યાં મુખ્ય માર્ગ પર જ બાઈક સામે કૂતરું આવી જતા દંપતી બંને ફંગોળાઈ ગયું હતું. આ અકસ્માતમાં પત્નીનું મોત થયું હતું. મળતી માહિતી મુજબ, નર્મદા જિલ્લાનાં ડેડીયાપાડા તાલુકાની માંચ ચોકડી આગળના માર્ગ પરથી પસાર થતા દેડીયાપાડાના દાબદા ગામની ડુંગરી ફળીયામાં રહેતા શૈલેષ વસાવા પત્ની સાથે બાઇક લઇને પસાર થઇ રહયાં હતાં. તે દરમિયાન રસ્તામાં કૂતરૂ આવી જતાં તેમણે અચાનક બ્રેક મારતાં શૈલેષ વસાવા અને તેમના પત્ની રોડ પર પટકાયાં હતાં. જેથી બાઇક ચાલકનાં પત્ની સુમિત્રાને માથાનાં ભાગે ગંભીર ઇજા થતાં તેમનું સારવાર દરમિયાન મોત થયું હતું.