નર્મદા જિલ્લાનાં એક ગામમાં પત્ની પર ખોટો વ્હેમ રાખી પતિએ ચપ્પુ વડે હુમલો કર્યો કરતા મામલો પોએએસ મથકે પહોંચ્યો હતો. કુસુમ રામસિંગભાઈ વસાવાએ આપેલી ફરિયાદ મુજબ તેમનો પતિ અવાર-નવાર ખોટો શક અને વ્હેમ રાખી સામાન્ય વાતમાં મારઝુડ કરી તેમજ મા-બહેનનો પરથી ગંદી ગંદી ગાળો આપી શારીરિક માનસિક ત્રાસ આપતા હતા. જોકે કુસુમબેન ગત તા.10/1/23નાં રોજ તેમના પીયરમાં મમ્મીનું બારમુ હોવાથી તેઓ પીયરમા રોકાયા હતા.

ત્યારબાદ તા.12/1/23નાં રોજ તેમના ઘરે પાટવલી ખાતે ગયા હતા. તે સમયે પતિ રામસીંગ ઉમરિયભાઈ વસાવા પત્નીને કહેવા લાગ્યો કે, ‘તું મને પૂછ્યા વગર કેમ તારા પીયરમાં ગઈ હતી અને ત્યાં કેમ બે દિવસ સુધી રોકાઈ હતી’ તેમ કહી ગુસ્સે થઈને બોલાચાલી કરી છૂટા હાથથી મારામારી કરી હતી અને ચપ્પુથી મારતા સામાન્ય ઈજા થતાં લોહી નિકળ્યું હતું. ત્યારબાદ પરિવારજનો દોડી આવતા બચાવ થયો હતો. બનાવ અંગે મહિલાની ફરિયાદનાં આધારે પોલીસે પતિ સામે ગુનો દાખલ કર્યો હતો.