નર્મદા જિલ્લાનાં વડુંમથક રાજપીપળાનાં સરકારી ઓવારાથી આગળ જતાં એરોડ્રામ માર્ગ ઉપર ઘણા ખેતરો આવેલા છે જેમાં એક ખેતરમાં કોઈ પુરુષનો મૃતદેહ મળતા ટાઉન પોલીસનો કાફલો ઘટના સ્થળે તપાસ હાથ ધરી હતી. મળતી માહિતી અનુસાર, રમેશ ડાહ્યાભાઈ કાછિયાના એરોડ્રામ રોડ પર આવેલા ખેતરમાં અચાનક દુર્ગંધ આવતા તેમણે રાજપીપળા પોલીસને જાણ કરી હતી. જોકે પોલીસે ઘટના સ્થળે પહોંચી તપાસ કાર્ય હાથ ધર્યું હતું અને ખેતરની અંદર એક 30થી 35 વર્ષીય પુરુષનો મૃતદેહ દુર્ગંધ મારતી હાલતમાં પડેલો જોવા મળ્યો હતો. જોકે આ મૃતદેહ કોનો છે અને ખેતરમાં કેવી રીતે આવ્યો એ બાબતની તપાસ હાલ પોલીસ કરી રહી હતી.