નર્મદા જિલ્લાનાં દેડીયાપાડા તાલુકાનાં થપાવી ગામની સીમમાં એક યુવાને ઝાડ ઉપર ફાંસો ખાઈ લેતાં મોત નીપજ્યું હતું. મળતી માહિતી મુજબ, મનોજભાઇ લાલરામ પુસવાહા (ઉ.વ.28, મૂળ રહે. ધાલો તા.અકબપુર જિ.કાનપુર, ઉત્તરપ્રદેશ) છેલ્લા પાંચેક મહિનાથી માનસિક રીતે પીડાતા હતા અને ગાંડા જેવું વર્તન કરતા હતા. જેઓ ઘણીવાર ઘરેથી પણ એકલા જતા રહેતા હોય અને માનસિક પીડિત હોવાના કારણે તેણે પોતાની જાતે પોતે પહેરેલી ટી-શર્ટ વડે લીમડાનાં ઝાડ સાથે ગળે ફાંસો ખાઈ લઈ પોતાનું જીવન ટુંકાવ્યું હતું. બનાવ અંગે મૃતકનાં પત્નીએ પોલીસમાં જાણ કરતાં દેડીયાપાડા પોલીસે અકસ્માતે મોતની ફરિયાદ દાખલ કરી તપાસ હાથ ધરી હતી.