સાગબારાનાં સીમામલી ગામે એક મહિલાનું વીજળી પડવાથી મોત થયું હતું. જયારે આ ઘટનાની હજુ ઘટના તાજી છે તેવામાં સોમવારે નર્મદા જિલ્લાના તિલકવાડા તાલુકાના ખુશાલપુરા ગામે રહેતી એક પરિણીતા ખેતરમાં કામ કરતા અચાનક વીજળી પડતા ઘટના સ્થળેજ તેનું મોત થયું હતું.

સુત્રો પાસેથી મળતી માહિતી અનુસાર, નર્મદાનાં તિલકવાડા તાલુકાનાં ખુશાલપુરા ગામમાં રહેતા પારુલબેનના પતિ ભગવાન દાસ ભીલ, સસરા બાલુભાઈ અને તમામ પરિવારજનો તલનું વાવેતર ખેતરમાં કર્યું હતું જેને ખંખેરતાં હતા. તે સમયે અચાનક વીજળી પડી હતી અને વીજળી પડવાના કારણે પારુલબેન ભગદાસ ભીલનું ઘટના સ્થળ પર સખત દાઝી જવાથી મોત થયું હતું. જોકે તેની સાથે તેના નણંદ પણ દાઝી ગયા હોય જોકે તેઓ સારવાર માટે દવાખાને લઈ જવામાં આવ્યા હોવની માહિતી મળી હતી.