નર્મદાનાં તિલકવાડા તાલુકાનાં રોજાનાર ગામે રહેતા એક ઈસમ કે જેઓનાં લગ્ન નહીં થતા અને તેઓ એકલતાનો અનુભવ કરી રહ્યાં હતા. જેથી મનમાં લાગી આવતા તેઓએ કપાસમાં છાંટવાની ઝેરી દવા ગટગટાવી લેતાં સારવાર દરમિયાન મોત નીપજ્યું હતું. મળતી માહિતી અનુસાર, તિલકવાડા તાલુકાનાં  રોઝાનાર ગામના રહેવાસી 45 વર્ષીય રમેશ હિંમતભાઈ બારીયાના લગ્ન નહીં થવાને કારણે તેઓ એકલતાનો અનુભવ કરતા હતા.

જેના કારણે તેઓને મનમાં આઘાત લાગી આવતા તા.2/12/2022ના રોજ સાંજના સાડા 8 વાગ્યાનાં સમયગાળા દરમિયાન રોજનાર ગામે પોતાના ઘરે કપાસમાં છાંટવાની ઝેરી દવા પી ગયા હતા. જેથી તેમના પરિજનો તેઓને સારવાર અર્થે તિલકવાડા સરકારી હોસ્પિટલ ખાતે લઇ આવ્યા હતા. જ્યાં સારવાર દરમિયાન મોત નીપજ્યું હતું. ઘટનાની જાણ તિલકવાડા પોલીસને થતા પોલીસે કાયદેસર ગુનો દાખલ કરી આગળની કાર્યવાહી હાથ ધરી હતી.