ડેડીયાપાડાનાં ગાજરગોટા ગામે રહેતા સંગીતાબેન શાંતીલાલ વસાવાએ આપેલી ફરિયાદ મુજબ તેમનો 23 વર્ષીય દીકરો રાકેશ અર્જુનભાઈ વસાવા મિત્ર શૈલેષ સાથે કામ અર્થે રાજપીપળા આવ્યો હતો. જયારે કામ પતાવી બંને મિત્રો પરત ગાજરગોટા તરફ ફરતા હતા ત્યારે માંડણ ગામનાં વળાંક પાસે કોઈ અજાણ્યા ટ્રક ચાલકે પાછળથી ટક્કર મારી એક્સીડન્ટ કરી ટ્રક લઈ નાશી ગયો હતો. આ અકસ્માતમાં બંને બાઈક સવારો ફંગોળાઈ જતા શૈલેષને સામાન્ય ઈજા થઇ હતી. પરંતુ રાકેશને માથાનાં ભાગે ગંભીર ઈજા પહોચતા જેનું સ્થળ પર જ તેમનુ મોત થયુ હતું. અકસ્માત અંગે રાજપીપળા પોલીસે અજાણ્યા ટ્રક ચાલક વિરૂધ્ધ ગુનો નોંધી તપાસ હાથ ધરી છે.